Qado sharaf uu manta (01/02/2010) Hotel New Waamo ee Magaaladda Garoowe ku sameeyeye Xildhibaan C/Raxmaan Cali Bulshaale oo ay kasoo Qaybgaleen Cuqaal, Odayaal, Saraakiil, iyo Aqoonyahano aad u tiro badan ayaa Beesha Naalaye Axmed Kasoo saartay Go’aamo Beesha Dan u ah.

Qado-sharaftan oo uu Xildhibaanku Ereyo Furitaana ka jeediyey, ayaa Dood dheer iyo Falanqayn kadib Beeshu ku qaadatay Go’aamadan:-

1. Midnimada Beesha Naalaye Axmed In Ay Tahay Muqadas Sabab Kasta Oo Jirta.
2. Kursigii Baarlamaanka Ee Beeshu Lahayd In Loo Aqoonsado Uuna Yahay Kursi Dhac Ku Maqan.

3. Gaadiidka Beesha Naalaye Axmed Kadib Markii Hawshiisu Mugdi Gashay Waxaa La Go’aamiyey In Gacanta Beesha Sida Ugu Dhakhsaha Badan Loogu Soo Celiyo.

4. In Cuqaasha Beesha Loo Bandhigo Intooda Aan Goobjooga Ahayn In Ay Beesha Ku Soo Celiyaan Kursigaas Baarlamaanka Ee Dhaca Ku Maqan, Isla Markaana Ay Ka Qaataan Doorkooda Kaga Aadan Hawshaas.

5. In Shirkani Horumar Iyo Midho Dhal Uu Yeesho Dibad Iyo Gudoba.
6. In Beesha Naalaye Axmed Isku Xidhnaato Gudo Iyo Dibadba.

Sidoo kale waxay Beeshu Isla Gelinkii Danbe ee Maanta iyo Fiidnimaddii Caawa Khadka Telefoonka ugu Bandhigtay Go’aamadda kor ku qoran Qurbajoogta Beesha Naalaye Axmed, Kuwaas oo Waxgaradka Go’aamadan gaadhay ku Bogaadiyey lana Qaatay, Islamarkaana Qodobadda Go’aamadda ku kordhiyey in Beeshu Samaysato Guddi Arimaheeda si Gaara loogu xilsaaro. Guddigaas oo Cuqaasha Beeshu Dhowaan ka magacaabi doonaa Waxgaradka Beesha Naalaye Axmed ee Gudaha iyo Dibadda ku Sugan.

FG. Wixii Faahfaahin Dheeraada ee looga Baahdo Shirkaas iyo Go’aamadiisa kala Xidhiidha Xildhibaan C/Raxmaan Cali Bulshaale. Tel: 00252907.

Halkan ka dhegayso baaqii shirka oo dhan.

xigasho xargaga.com

Awrboogays.com