Golaha Khasuusiga iyo Guud ahaanba Golaha
Isimadda Beelaha Daraawiishta Iyo Jaaliyada qurba jooga
ah inteeda Caafimaadka qabta(Caadifadda Beeneed,cudurka
Qabyaaladeed iyo naceeybka ka fog).
Inaad Tahay Masuul [Guubaabo]
Masuuliyadda ama xilka ayaa amaano Ummadeed oo culeeys
weyn leh una baahan dadaal,daacadnimo,karti dheeraad ah
iyo howl-gudasho joogto ah kana turjumeeysa waajibaadka
Masuulka loo doortay loo xil-saaray,waana mid guusheedu ku
saleeysan tahay hab hogaan wanaag iyo hanaan qorsheynta
Howlaha,waxaana jiraaya caqabado badan oo dhibkooda leh
loona baahan yahay adkeeysi iyo dul-qaad dheeraad ah iyo
Mudnaan siinta danta guud,hogaanka SSC Mudane-Suleeymaan
Axmed(Xaglo-toosiya)Iyo Mudane-(Col-Cali Sabareey)xilka
ama masuuliyada aad qaadeen marka hore Allah ha idiinku
garab galo-Aamiin,marka xiga kuwii garto ahamiyadeeda oo
isla markaana guta inshaa Allah,runtiina weey muuqdaan
inaad tihiin Shakhsiyaad karti iyo dadaal badan,Xaaladda
taagan awgeed,duruufaha qalafsan iyo xaaladaha jaha-wareer
oo degaamadda SSC intii mudo ahaa ka jiray iyo sida aad
durba guulaha waaweyn uga soo hooysen dhanka mideeynta iyo
hanashada taageerada shacabka waa talaabo horumarkeeda leh
soo dhoweeyna mudan(halkaas ka sii wadda).
Waa La Idinaaminey
Golaha Khasuusiga(Shuuradda)Marka hore gudooma soo
dhoweeyn,marka xigga Nin lagu seexdoow ha seexan,Xilka
golihiina sharafta leh ayaa ah tiirka koowaad ee asaasiga
habka howl gudashadda guud ahaanba Hogaanka Sarre SSC iyo
gaaritaanka higsiga bulsho-weynta iyo aayo ka talinta ku
saleeysan karaamadda iyo maqaamka Ummadeed,inkastoo aad ku
Timaadeen xilka hab beeleed oo aan aqoon iyo karti midna
lagu saleeyn hadana howsha idiin hor taal iyo waajibaadka
gudashadeeda bulshadu idiinka sugeeyno waa mid weyn,una
baahan damiir nool,dareen wadaniyadeed iyo dadnimo wanaag
danta guudna mudnaanta koowaad iyo qiimeeynta waqtiga iyo
duruufaha taagan,hogaanka wanaaga ku taageera,khaladkana
noqda kuwii ku dhaliil oo ka reeba(Durbaan beeneed may).
Maqaleey Warlaay
Golaha Isimadda Daraawiishta SSC-marka hore xurmo iyo
Milgo gobeed gudooma,waxaa amaan iyo bogaadiin weyn mudan
Farxadeeda leh in maanta golihii Isimadda la oran karaayo
Aqlabiyadiisu waa mideeysan yahay,iyadoo la wada ogyahay
in dhibaatadda dib u dhaceed,khilaafka iyo kala fogeeynta
Beelaha SSC Isimaddu kaalin weyn ku lahaayeen(Runta lagama
Gabado)maanta waxaan arkaa dadaalo iyo dhaq-dhaqaaqyo ku
wajahan danta guud iyo wacyi gelinta dadweynaha iyo gudasho
xilkoodii dhaqameed(hambalyo),Isimadda Xurmada mudan fadlan
howsha halkaas ka sii wada oo weliba laban-laaba.
Jaaliyadda qurba jooga SSC(Daraawiishta)horumarka iyo
guud ahaan hanaanka wax-qabad oo ka muuqda degaamadda ama
aqlabiyadda Dalka Somaaliyeed waxaa gacanta koowaad ka
geeysteey Jaaliyadda qurba jooga ah ka dib markeey garteen
Masuuliyadda diineed,qarameed iyo akhlaaqeed oo ka saaran
Degaamadooda weeyna ku amaanan yihiin,markaas garta marka
koowaad masuuliyada ina saaran hana lagu dadaalo habkii
loo gudan lahaa iyagoo mudnaanta la siiyo wada-jirka iyo
iskaashiga danta guud ku saleeysan sida ku haboona loola
Jaan qaadaayo xaaladda waqtigan taagan iyo culeeyskeedda,
In waajib ku sugaayo qof walboow ogoow(Hamablyo Shacabka
Reer Buuhoodle geesiyaasha gumeeysiga iyo gun-nimada sida
cad u diideeyn).Midab Guumeysi Diida
-INAAD TAHAY MASUUL MAANKAAGA GELI-
-Qorre-Xassan C/Laahi(Xassan Carab)-
-Englnd-UK- 10/06/2010.
Awrboogays.com -sharifhassan50@hotmail.com
|
