Xog Sir Ah Oo Qeexaysa Barnaamij SSC Lagu Qaybinayo Oo Lagu Gaadhay Shirkii Afar Geesoodka Ee Addis Ababa
04 Jul 2008
Marka la raacayo taariikhda Ummadda Soomaaliyeed ee soo jireenka ah ee gobollada kor ku xusan, waxay ahaayeen hoygii Saldhigga iyo Xarunta u ahaa halgankii Daraawiish iyo Jihaadkii xusuusta lahaa, kaasoo ah taariikhda qudha ee u diiwaan gashan dhinaca Matxafyada xusuusta reeba, halgankaas oo loo magac bixiyey Soomaalidii geesiyada Ahaa.
Degaankaa waxaa ka beerma dad damiir leh oo waxna diidi kara waxna yeeli kara. Waa shacabkii sababay in ay noqdaan dadkii u horreeyey ee Afrikan ah, ee diyaarado loo adeegsado. Arrintaa waddamada reer galbeedku, iyagoo marna aan ilaawayn xilligii uu ka awood roonaaday halgankii, wuxuu si arxan darro ah ula dagaallamay gumaysigu dadyowgii deggenaa degaankaas (SSC), isagoo kala dhex-mariyey xuduudo dhaadheer, oo uu waxyeello ugu gaysanyo cududdooda iyo caqligoodana ku diciifinayo.
Wuxuu Eebbe dadyawga deggan deegaankaa dhiiggoodii ay naftooda iyo maalkooda ugu hureen dalkooda, dadkooda iyo diintooda ugu beddelay Khayraad dabiici ah, oo noqday mulkigooda. Haddaba waxaa qowmiyad waliba u soo dhiillo-dhaansadeen siday Khayraadkaas uga cayn wareejin lahayeen. Sidaan kor ku soo sheegnay reer galbeedku waxay u aqoonsadeen dad aan waxba lala wadaagi karin, sidaas darteedna ay u soo maraan qaybaha kale ee Soomaaliyeed ee uga dhago-nugul.
Mawduucan anigoon ku dheeraanayn aan uga gudbo Nuxurka Qormadan, kaasoo ah sida ay shisheeyahu u sii kala qabiyeen dadkii madaxa adkaa ee SSC, ee sheegta mulkiga Khayraadka, waxaa soo afjarmay Maabkii ama Khariidaddii u dambaysay ee midnimada gobollada SSC lagu kala dhantaalayey, kaasoo u dhigan sidan:-
Khariidadda waxaa la mariyey Dalyare, ilaa Xuddun oo Tuka-Raq iyo Boocame hoosta ka maraysa. Waxaa haddana Qabaa'ilka Dhulbahante la geliyey shan farood iyo calaacal. Waxaa la israaciyey beesha Ugaadhyahan, Jaamac Siyaadka Bari, Xasan Ugaas iyo Xaamud Ugaas, beelahaas iyo degaanka ay degaan waxaa la raaciyey Dawlad Goboleedka Puntland.
Beesha Jaamac Siyaad Galbeed, beesha Qayaad, dhammaan Faarax Garaad, Yaxye, Hayaag, Khaalid, iyo dhammaanba beelaha dega Koonfurta Sool, inay Somaliland hoos tagaan. Marka taasi dhacdo waxa soo hawl-galaya 8000 (Siddeed kun) oo askari oo Ethiopian ah, oo degi doona Xuduud beeneedkaas. Saamiga Dawladaha, Shirkadaha, ee Khayraadka degaankaas waxaa lagala heshiiyey Xukuumadaha localka ah ee Puntland iyo Somalinad, xaqlayaashuna hoos tegi doonaan.
Xogtaas waxaa lagu go'aamiyay, muddana lagu noqonayey Addis Ababa, waxaana isla qaatay Ethiopia, DFKM, Puntland iyo Somaliland Madaxwayna-yaashooda. Waxaa kaloo uga hoosaysa dhinaca Puntland, oo Cadde Muuse wataa inuu soo nooleeyo Boqortooyadii Cisman Maxamuud, oo Mandiqadda lagala xidhiidho, Xogtaas oo ilo xog-ogaal ahi Jidbaale.com u soo gudbiyeen sida ay tibaaxayso.
Waxaa xusid mudan inuu ku tiraabay Wasiirka Maaliyadda Puntland Gaagaab "Sirteenii goorma ayay fashilantay, yaase u sheegay Isimada Dhulbahante Tuka-Raq, oo ah irridii laga geli lahaa Ceelka Shidaalka Holhol?".
Waxaan nasoo gaadhin Shaxdii, laakiin akhristaayaasha sharfta mudanoow dib ayaan idiinka soo gudbin doonaa.
Faysal Axmed Kaarshe
fakaarshe@hotmail.com
Buuhoodle
Sii akhri
|
